Çox güman ki, siz Elan yerləşdirmə qaydalarından hər hansısa birinə və ya bir neçəsinə əməl etməmisiniz. Səbəb daha ətraflı şəkildə elanı yerləşdirərkən qeyd etdiyiniz email ünvanına göndərilib. Eyni zamanda mobil tətbiqə də bu barədə bildiriş gedir. Həmçinin elanın dərc olunmama səbəbi ilə Şəxsi kabinetdəki “Mənim elanlarım” > “Dərc olunmamış” bölməsində də tanış ola bilərsiniz.

“Mənim elanlarım” səhifəsində düzəliş üçün:

1. Şəxsi kabinetə daxil olun.
2. Burada “Mənim elanlarım” səhifəsini açın.
3. “Hazırda saytda” və ya “Gözləmədə” bölməsini seçin.
4. Düzəliş etmək istədiyiniz elanın aşağısında Düzəliş et düyməsini görəcəksiniz. Onu sıxın.
5. Lazım olan düzəlişləri etdikdən sonra Elanı yenilə düyməsini sıxın.

Elanınızın öz səhifəsində düzəliş üçün:

1. Şəxsi kabinetə daxil olun.
2. Düzəliş etmək istədiyiniz elanınızı saytda tapın və açın.
3. Elan səhifəsinin aşağısında Düzəliş et düyməsini görəcəksiniz. Onu sıxın.
4. Lazım olan düzəlişləri etdikdən sonra Elanı yenilə düyməsini sıxın.

Kateqoriyadan asılı olaraq siz qiyməti və təsviri dəyişə, şəkilləri silə və ya əlavə edə və digər düzəlişlər edə bilərsiniz. Düzəliş etdikdən sonra elanınız yoxlamaya göndəriləcək.

“Mənim elanlarım” səhifəsində silmək üçün:

1. Şəxsi kabinetə daxil olun.
2. Burada “Mənim elanlarım” səhifəsini açın.
3. “Hazırda saytda” və ya “Gözləmədə” bölməsini seçin.
4. Silmək istədiyiniz elanın aşağısında Elanı sil düyməsini görəcəksiniz. Onu sıxın.

Silindikdən sonra elanınız “Müddəti başa çatmış” statusuna keçiriləcək və onu yaxın 30 gün müddətində bərpa etmək mümkün olacaq.

Elan yerləşdirərkən sizə məktub göndərilir və burada elanın nömrəsi də qeyd olunur. Elanın nömrəsini unutmusunuzsa, elektron poçt qutunuzda yenidən bu məktuba baxmağınız kifayətdir. Bundan başqa siz istədiyiniz elanı açaraq onun elan nömrəsini götürə bilərsiniz.

Sildiyiniz və ya müddəti başa çatmış elanı bərpa etmək çox rahatdır. Elanı sildikdə və ya müddəti başa çatdıqda email ünvanınıza link göndərilir – onu bərpa etmək üçün bu linkə daxil olub “Bərpa et” düyməsini sıxın. Müddəti başa çatmış elanı müddət bitdiyi andan etibarən 30 gün ərzində bərpa etmək mümkündür.

Şəxsi kabinetə Telefon nömrəsi ilə daxil olmaq olar:

1. Saytın tam versiyasında “Giriş” yazısını seçin;
2. Telefon nömrənizi daxil edin;
3. “SMS-kod göndərilsin” düyməsini sıxın;
4. Gələn kodu daxil edin;

Elanlarınızı önə çəkmək üçün ödənişli xidmətlərdən (İrəli çək, VIP, Premium) yararlana bilərsiniz. Ödəniş üsulları:

1. Bank kartı
2. PulPal/Portmanat
3. Şəxsi hesab